Pas një pauze të gjatë, sot dhe nesër rikthehen ndeshjet e garës më prestigjioze për klubet evropiane, Ligës së Kampionëve. Në program janë ndeshjet e xhiros së parafundit të fazës së ligës, format i ri që po aplikohet për herë të parë në këtë garë. Sot janë planifikuar nëntë ndeshje emocionuese.
Një nga ballafaqimet më interesante do të jetë ai ndërmjet Atletico Madridit dhe Bayer Leverkusenit në stadiumin “Metropolitano”. Ndërkohë, në “Anfield”, lideri i tabelës Liverpooli pret skuadrën franceze Lille.
Ja ndeshjet e planifikuara për sot:
Ora 18:45: Atalanta – Sturm Graz, Monako – Aston Villa.
Ora 21:00: Atletico Madrid – Bayer Leverkusen, Benfica – Barcelona, Bologna – Borussia Dortmund, Club Brugge – Juventus, Crvena Zvezda – PSV, Liverpool – Lille, Slovan Bratislava – Stuttgart.
