Forcat turke të sigurisë neutralizuan nëntë anëtarë të organizatës terroriste PKK në operacionet e kryera në veri të Irakut dhe Sirisë, njoftoi të hënën Ministria turke e Mbrojtjes.
"Tetë terroristë të PKK-së të identifikuar në zonën e operacionit ‘Kthetra-Blloku’ dhe Kandil në veri të Irakut dhe një terrorist i PKK/YPG-së në rajonin ‘Mburoja e Eufratit’ në veri të Sirisë janë neutralizuar. Ne jemi të vendosur të eliminojmë terrorizmin në burimin e tij", thuhet në njoftimin e ministrisë.
PKK-ja është organizatë terroriste separatiste e listuar si grup terrorist në Türkiye, Bashkimin Evropian dhe Shtetet e Bashkuara të Amerikës. Gjatë fushatës terroriste shumëvjeçare kundër Türkiyes, terroristët e PKK-së kanë vrarë të paktën 40.000 njerëz.
Operacione të gjera antiterroriste nga forcat turke filluan pas sulmit të fundit terrorist të PKK-së në selinë e Industrisë Turke të Hapësirës Ajrore (TUSAS) në Ankara, i cili vrau pesë dhe plagosi më shumë se 20 persona.
