Ministria e Mbrojtjes e Republikës së Türkiyes njoftoi të martën se forcat turke neutralizuan të paktën gjashtë terroristë të PKK-së në veri të Irakut.
Në njoftimin për shtyp thuhet se terroristët e PKK-së ndodhen në zonën e operacionit “Kthetra-Shpata”, ku janë neutralizuar dhe se forcat turke do të vazhdojnë luftën e tyre vendimtare kundër terroristëve.
PKK-ja është një organizatë terroriste separatiste që renditet si grup terrorist në Türkiye, Bashkimin Evropian dhe Shtetet e Bashkuara të Amerikës (ShBA). Gjatë fushatës terroriste dhjetëvjeçare kundër Türkiyes, terroristët e PKK-së kanë vrarë të paktën 40.000 njerëz.
Rajonet malore të Kandilit, Gara, Metina, Avasin-Basyan, Hakurk, Zap dhe Haftanin ndodhen në veri të Irakut dhe përfaqësojnë bastionet kryesore të organizatës terroriste PKK.
