Inteligjenca turke “neutralizoi” të enjten dy terroristë të PKK/KCK në veri të Irakut, thonë burime të sigurisë.
Organizata Kombëtare e Inteligjencës (MIT) përcaktoi se të dy kishin marrë udhëzime për të depërtuar në bazat ushtarake turke.
Të identifikuar si Ahmet Bayar, me emrin e koduar Tufan Kocer, dhe Ahmed Ibrahim El Ahmed, me emrin e koduar Mervan Zerevan, u shënjestruan më pas në një operacion në rajonin e Hakurk.
Bayar iu bashkua grupit terrorist në vitin 2012, ai operoi në Siri në të kaluarën dhe shërbeu si truprojë për anëtarët e lartë të organizatës, ndërsa El Ahmed mori trajnime për atentat në rajonin Kandil në veri të Irakut në vitin 2014.
Autoritetet turke përdorin termin "neutralizim" për të nënkuptuar se terroristët në fjalë u dorëzuan, u vranë ose u kapën.
PKK-ja është e njohur për përdorimin e Irakut verior, pranë kufirit turk, si një strehë për të planifikuar sulme terroriste në Türkiye.
Në fushatën e saj terroriste gati 40-vjeçare kundër Türkiyes, PKK-ja, e listuar si një organizatë terroriste nga Türkiye, ShBA-ja dhe BE-ja, ka qenë përgjegjëse për vdekjen e mbi 40.000 njerëzve, duke përfshirë gra, fëmijë dhe foshnja.
