Anëtarët e Shërbimit Informativ Kombëtar të Turkiyes (MIT) kryen një tjetër operacion të suksesshëm antiterrorist në veri të Irakut dhe neutralizuan një nga drejtuesit e organizatës terroriste PKK/KCK, Erdinc Bolcal.
Një burim i paidentifikuar tha se terroristi Bolcal u neutralizua në një operacion që u krye në rajonin irakian Suleymania.
Terroristi Bolcal është një nga të ashtuquajturit anëtarë të rangut të lartë të organizatës terroriste PKK/KCK dhe ka përdorur edhe emrin e koduar “Ali Xebat”.
Në strukturat terroriste të PKK-së ishte përgjegjës për stërvitjen ideologjike dhe ushtarake të terroristëve.
Ai u neutralizua së bashku me disa terroristë të tjerë me të cilët po përgatiste një aktivitet të ri terrorist në veri të Irakut.
PKK-ja është organizatë separatiste dhe terroriste që është në listën e grupeve terroriste në Türkiye, Bashkimin Evropian dhe Shtetet e Bashkuara të Amerikës. Gjatë fushatës terroriste dhjetëvjeçare kundër Türkiyes, terroristët e PKK-së kanë vrarë të paktën 40.000 njerëz.