Forcat turke të sigurisë “neutralizuan” gjithsej 16 terroristë të PKK/YPG-së në veri të Irakut dhe të Sirisë, tha të premten ministria e Mbrojtjes Kombëtare të Türkiyes.
Rreth 10 terroristë të PKK-së u shënjestruan në rajonet Gara dhe Hakurk në veri të Irakut, ndërsa gjashtë terroristët e tjerë të PKK/YPG-së u vranë në zonat e operacioneve Mburoja e Eufratit dhe Dega e Ullirit në veri të Sirisë, njoftoi ministria në X.
Ministria shprehu këmbënguljen e Ankarasë në luftën kundër terrorizmit, "deri në neutralizimin e terroristit të fundit!"
"Nuk ka shpëtim nga fundi që i pret terroristët!", shtoi ajo.
Autoritetet turke përdorin termin "neutralizoj" për të nënkuptuar se terroristët në fjalë u dorëzuan, u vranë ose u kapën.
Türkiye në vitin 2022 nisi operacionin Claw-Lock për të shënjestruar strehët e grupit terrorist në rajonet Metina, Zap dhe Avasin-Basyan në veri të Irakut.
Në veri të Sirisë, Ankaraja ka nisur një treshe operacionesh të suksesshme anti-terror që nga viti 2016 për të parandaluar formimin e një korridori terrorist dhe për të mundësuar vendosjen paqësore të banorëve: Mburoja e Eufratit (2016), Dega e Ullirit (2018) dhe Burimi i Paqes (2019) .
Në fushatën e saj terroriste 40-vjeçare kundër Türkiyes, PKK-ja - e listuar si një organizatë terroriste nga Türkiye, ShBA-ja dhe BE-ja ka qenë përgjegjëse për vdekjen e mbi 40.000 njerëzve, duke përfshirë gra, fëmijë dhe foshnja. YPG-ja është dega siriane e PKK-së.
