Türkiye 'neutralizon' 7 terroristë të PKK/YPG-së në Irakun verior, Siri

Forcat turke të sigurisë "neutralizuan" gjithsej shtatë terroristë të PKK/YPG në Irakun verior dhe Siri, tha të martën Ministria e Mbrojtjes Kombëtare.

Katër nga terroristët u “neutralizuan” në zonën e Operacionit Mburoja e Eufratit në veri të Sirisë, ndërsa tre ishin në shënjestër në zonën e Operacionit Claw-Lock në Irakun verior, tha ministria në një deklaratë.

Sipas burimeve, forcat turke të sigurisë arrestuan veçmas një anëtar të dyshuar të Partisë Komuniste Marksiste-Leniniste (MLKP), një grup terrorist i ekstremit të majtë. Anëtari i dyshuar u kap në një zonë të kufizuar ushtarake në provincën veriperëndimore të Edirne, ndërsa përpiqej të arratisej në Greqi.

Në të njëjtin rajon, forcat e sigurisë kapën gjithashtu një anëtar të grupit terrorist PKK, i cili po tentonte të ikte në Greqi.

Në fushatën e saj terroriste gati 40-vjeçare kundër Türkiyes, PKK-ja – e listuar si organizatë terroriste nga Türkiye, ShBA-ja dhe Bashkimi Evropian – ka qenë përgjegjëse për vdekjen e mbi 40.000 njerëzve, duke përfshirë gra, fëmijë dhe foshnja.