Türkiye 'neutralizon' 7 terroristë të PKK/YPG-së në veri të Sirisë

Forcat turke të sigurisë “neutralizuan” shtatë terroristë të PKK/YPG në veri të Sirisë, tha të mërkurën Ministria e Mbrojtjes Kombëtare.

Terroristët u zbuluan në zonën e Operacionit Mburoja e Eufratit në veri të Sirisë, tha ministria në X.

“Forcat tona të Armatosura heroike turke neutralizuan 7 terroristë të PKK/YPG-së të zbuluar në rajonin e Mburojës së Eufratit në veri të Sirisë me një operacion të suksesshëm”, shtuan nga ministria.

Autoritetet turke përdorin termin "neutralizoj" për të nënkuptuar se terroristët në fjalë u dorëzuan ose u vranë ose u kapën. Ankaraja ka nisur një treshe operacionesh të suksesshme antiterroriste që nga viti 2016 përtej kufirit të saj në veri të Sirisë për të parandaluar formimin e një korridori terrorist PKK/YPG dhe për të mundësuar vendosjen paqësore të banorëve: Mburoja e Eufratit (2016), Dega e Ullirit (2018), dhe Pranvera e Paqes (2019).

Në fushatën e saj terroriste gati 40-vjeçare kundër Türkiyes, PKK-ja - e listuar si organizatë terroriste nga Türkiye, ShBA-ja dhe BE-ja – ka qenë përgjegjëse për vdekjen e më shumë se 40.000 njerëzve, duke përfshirë gra, fëmijë dhe foshnja. YPG-ja është dega siriane e PKK-së.