Zgjedhjet presidenciale dhe parlamentare në Türkiye do të mbahen më 14 maj, mirëpo votuesit e rajonit do të votojnë një javë më herët, gjegjësisht më 5-7 maj.
Në uebfaqen e përgatitur për votuesit turq jashtë vendit nga Kryesia e Turqve Jashtë Vendit dhe Komuniteteve Mike (YTB) ka informacione të tilla si në cilat vendet do të hapen vendvotime dhe se sa ditë do të mund të votohet.
Sipas kësaj, vendvotime do të hapen në ambasadën turke në Shkup, ambasadën në Prishtinë dhe kryekonsullatën në Prizren, në ambasadën në Tiranë, në ambasadën në Sarajevë dhe kryekonsullatat në Banja Llukë dhe Mostar, në ambasadën në Podgoricë si dhe në ambasadën në Beograd dhe kryekonsullatën në Novi Pazar.
Votuesit turq në Shqipëri, Maqedoni të Veriut dhe Bosnjë Hercegovinë do të mund të votojnë në misionet diplomatike turke mes 5-7 maj, ndërsa ato në Kosovë, Mal të Zi dhe Serbi më 6-7 maj.
Informacione më të detajuara mund të gjenden në uebfaqen: www.secim.ytb.gov.tr
