Krahu i armatosur i rezistencës palestineze Hamas deklaroi të martën se kishte në shënjestër forcat izraelite që pushtuan zonat e kalimit kufitar Rafah lindor me Egjiptin, Rripin jugor të Gazës.
Në një deklaratë, Brigadat Al-Qassam thanë se luftëtarët e tyre goditën forcat izraelite me predha mortajash të kalibrit të madh, në vendkalimin lindor të Rafahut.
Deklarata nuk jep detaje të mëtejshme.
Këto zhvillimet nga grupi i rezistencës palestineze erdhën pasi ushtria izraelite herët të martën raportoi se forcat e saj kanë marrë kontrollin e anës palestineze të pikës kufitare Rafah me Egjiptin.
Zëdhënësi i autoritetit të kalimit kufitar palestinez konfirmoi më herët se kufiri ishte i mbyllur nga pala palestineze.
Pas njoftimit të grupit të Hamasit për pranimin e një propozimi kataro-egjiptian për një armëpushim në Gaza, Kabineti i Luftës i Izraelit vendosi të vazhdojë me një operacion në Rafah për të aplikuar atë që tha "presion ushtarak mbi Hamasin me qëllimin për të bërë përparim në çlirimin pengjet dhe synimet e tjera të luftës”.
Ushtria izraelite lëshoi urdhra të menjëhershëm evakuimi të hënën herët për palestinezët në lagjet lindore të Rafah dhe u bëri thirrje atyre të lëvizin në qytetin al-Mawasi në Gazën jugore.
Rafah është shtëpia e më shumë se 1,5 milion palestinezëve të zhvendosur që janë strehuar nga lufta e nisur nga Izraeli pas sulmit të 7 tetorit.