Policia ka arrestuar një të dyshuar në lidhje me vrasjen e katër burrave muslimanë në shtetin amerikan Neë Mexico. Sipas tyre, bëhet fjalë për 51-vjeçarin Muhammad Syed, me prejardhje nga Afganistani.
Autoritetet thanë se vrasjet mund të kenë të nxitura nga inatet personale. Nuk u përjashtua edhe mundësia e fërkimeve ndër sektare.
Katër viktimat në Albuquerque ishin me origjinë afgane ose pakistaneze. Njëri u vra në nëntor dhe tre të tjerët në dy javët e fundit.
Shefi i policisë së qytetit Albuquerque, Harold Medina, tha se oficerët gjetën një automjet që ata besonin se ishte i përfshirë në vrasje dhe ndaluan shoferin, të cilin ai e identifikoi si “të dyshuarin kryesor për vrasjet”.
Ndryshe, të premten vonë, Naeem Hussain, 25-vjeç, u gjet i vdekur nga policia. Ai ishte muslimani i tretë i vrarë në qytet brenda dy javësh dhe i katërti që nga nëntori.
Disa orë para vdekjes së tij, Hussain i cili sapo ishte bërë shtetas amerikan, mori pjesë në një funeral për dy nga viktimat e tjera të të shtënave.
Zëdhënësi i Qendrës Islamike në Neë Mexico, Tahir Gauba, tha se Hussain kishte shprehur shqetësim për të shtënat e fundit.
10 Gus 2022
Arrestohet një i dyshuar për katër vrasjet e muslimanëve në Albuquerque
Katër viktimat në Albuquerque ishin me origjinë afgane ose pakistaneze. Njëri u vra në nëntor dhe tre të tjerët në dy javët e fundit
TRT Balkan / agjencitë
Lajme të ngjashme
Artikujt në këtë kategori
ShBA-ja: Policia arreston 93 studentë në protestat propalestineze
Në Universitetin e Kalifornisë Jugore (USC), gjatë protestave propalestineze, policia ndërhyri dhe arrestoi numër të madh studentësh që protestuan kundër Izraelit, protestë kjo që u përhap edhe në universitete të tjera në shtete të ndryshme të botës.
Belgjika reagon ndaj vrasjes së punëtorit belg në Rafah
"Bombardimi i zonave dhe popullsive civile është kundër ligjit ndërkombëtar. Do të thërras ambasadorin izraelit për të dënuar këtë veprim të papranueshëm dhe për të kërkuar shpjegim", tha Ministrja e Punëve të Jashtme të Belgjikës, Hadja Lahbib.
Çfarë tjetër do të donit të dinit?
Popullore
