Vendet anëtare të Bashkimit Evropian (BE) ranë dakord për paketën e nëntë të sanksioneve kundër Rusisë, e cila përfshin shtimin në listën e sanksioneve të rreth 200 individëve dhe institucioneve dhe tri bankave ruse, vendosjen e ndalesës së eksportit të produkteve për përdorim të dyfishtë si dhe ndalimin e investimeve në miniera.
Çekia, e cila ka presidencën e radhës në BE, në një postim në median sociale deklaroi se "Ambasadorët ranë dakord në parim mbi paketën e sanksioneve të përgatitur kundër Rusisë si një pjesë e mbështetjes së BE-së ndaj Ukrainës".
Në postim thuhet se procesi për miratimin e paketës së nëntë të sanksioneve kundrejt Rusisë do të përparojë me procedurat me shkrim dhe do të përfundojë nesër.
Ndërkohë, nuk janë ndarë ende informacionet lidhur me përmbajtjen e paketës së re të sanksioneve.
Në propozimin që Komisioni Evropian bëri javën e kaluar për paketën e nëntë të sanksioneve, përfshiheshin shtimi në listën e sanksioneve i rreth 200 individëve dhe institucioneve dhe tri bankave ruse, ndalimi i eksporteve të produkteve me përdorim të dyfishtë dhe ndalimi i investimeve në miniera.
16 Dhj 2022
AA
Lajme të ngjashme
Artikujt në këtë kategori
I zgjedhuri i Trumpit për shef të drejtësisë tërhiqet nga nominimi
Gaetz ishte në Kongresin Amerikan të mërkurën për t’u ulur me senatorët që ishin kyç për konfirmimin e tij për të udhëhequr Departamentin e Drejtësisë por pranoi se emërimi i tij është bërë një “shpërqendrim” për ekipin e tranzicionit të Trumpit.
Çfarë tjetër do të donit të dinit?
Popullore
