Bashkimi Evropian (BE) njoftoi të hënën se po i pezullon sanksionet ndaj sektorëve të energjisë, transportit dhe sektorit bankar të Sirisë për të ndihmuar në rindërtimin e vendit pas rënies së regjimit të Bashar al-Asad.
Në një deklaratë, BE-ja deklaroi se masa synon "të lehtësojë angazhimin me Sirinë, njerëzit dhe bizneset e saj, në fushat kryesore të energjisë dhe transportit, si dhe t'i lehtësojë transaksionet financiare dhe bankare që lidhen me sektorë të tillë dhe ato që kërkohen për qëllime humanitare dhe rindërtimi".
Dispozitat kryesore të vendimit të sotëm përfshijnë pezullimin e masave që prekin sektorët e energjisë dhe transportit, ku përfshihen nafta, gazi, energjia elektrike dhe infrastrukturën e transportit.
Përveç kësaj, pesë entitete siriane, duke përfshirë Bankën Industriale, Bankën Popullore të Kreditit, Bankën e Kursimeve, Bankën e Kooperativës Bujqësore dhe Sirian Arab Airlines, u hoqën nga lista e organizatave të sanksionuara nga BE-ja.
Masa lehtëson gjithashtu transaksionet financiare me Bankën Qendrore të Sirisë për qëllime humanitare dhe rindërtimi.
BE-ja ka vendosur ta zgjasë përjashtimin humanitar për një kohë të pacaktuar, duke siguruar mbështetje të vazhdueshme për përpjekjet e ndihmës.
