Delegacioni i Agjencisë Ndërkombëtare të Energjisë Atomike (IAEA) ka hyrë në centralin bërthamor Zaporizhzhia të Ukrainës që ndodhet nën kontrollin e ushtrisë ruse.
Sipas shtypit rus, autokolona me delegacionin nën kryesimin e kryetarit të Agjencisë Ndërkombëtare të Energjisë Atomike (IAEA) Rafael Mariano Grossi, që u nis nga qyteti Zaporizhzhia ka kaluar në pikën e kontrollit Vasilyevka për të hyrë në zonën nën kontrollin e ushtrisë ruse.
Theksohet se delegacioni mbërriti në centralin bërthamor Zaporizhzhia për të kryer inspektime.
Ndërkohë edhe "Energoatom", kompania shtetërore e energjisë bërthamore të Ukrainës ka bërë të ditur në median sociale se delegacioni ka hyrë në central.
Centrali më i madh bërthamor në Evropë
Centrali bërthamor Zaporizhzhia që ndodhet në juglindje të Ukrainës llogaritet si centrali më i madh bërthamor në Evropë.
Me gjashtë reaktorë bërthamorë dhe një kapacitet për prodhimin e energjisë elektrike prej 5.700 megavat-orë, centrali plotëson 20 për qind të prodhimit të energjisë elektrike në Ukrainë.
Centrali u mor nën kontroll nga Rusia më 4 mars. Përreth centralit, i cili aktualisht është nën kontrollin e ushtrisë ruse, ndodhin sulme artilerike. Ukraina dhe Rusia akuzojnë njëra-tjetrën lidhur me këto sulme.
1 Sht 2022
Delegacioni i IAEA-së mbërrin në centralin bërthamor Zaporizhzhia
Me gjashtë reaktorë bërthamorë dhe një kapacitet për prodhimin e energjisë elektrike prej 5.700 megavat-orë, centrali plotëson 20 për qind të prodhimit të energjisë elektrike në Ukrainë.
AA
Lajme të ngjashme
Artikujt në këtë kategori
I zgjedhuri i Trumpit për shef të drejtësisë tërhiqet nga nominimi
Gaetz ishte në Kongresin Amerikan të mërkurën për t’u ulur me senatorët që ishin kyç për konfirmimin e tij për të udhëhequr Departamentin e Drejtësisë por pranoi se emërimi i tij është bërë një “shpërqendrim” për ekipin e tranzicionit të Trumpit.
Çfarë tjetër do të donit të dinit?
Popullore
