Dy avionë luftarakë amerikanë F-35 bënë ulje emergjente të mërkurën në aeroportin Matsuyama në prefekturën perëndimore të Japonisë Ehime.
Avionët janë furnizuar me karburant në aeroport, më tej janë larguar pak pas orës 16:00, sipas Ministrisë së Transportit të Japonisë, raportoi Jiji Press.
Avionët synonin të uleshin në bazën ajrore ushtarake amerikane në qytetin Iwakuni në prefekturën perëndimore të Japonisë Yamaguchi, pas përfundimit të një misioni, sipas ShBA-së.
Baza ajrore ushtarake kishte mbyllur megjithatë pistën e saj për shkak të motit të ashpër që preku Japoninë, duke i detyruar avionët të bëjnë ulje të paplanifikuara në aeroportin Matsuyama.
Moti i rëndë dhe reshjet e dendura të borës kanë vazhduar në Japoni, duke ndërprerë trafikun ajror dhe shërbimet e trenave në të gjithë vendin, veçanërisht në bregun perëndimor, raportoi Kyodo News.
Ndërsa nuk raportohet për viktima apo lëndime, ajo shkaktoi një ndërprerje prej 15 minutash në uljen e një avioni civil në aeroport.
Forcat ushtarake amerikane janë vendosur në Japoni që nga viti 1960 sipas Traktatit ShBA-Japoni të Bashkëpunimit dhe Sigurisë Reciproke.
