Numri i të vdekurve nga përmbytjet në Gjermani është rritur në të paktën pesë derisa reshjet e dendura të shiut që shkaktuan kërdi në të gjithë jugun e vendit gjatë fundjavës po tregojnë shenja të ngadalësimit.
Policia tha se viktima e fundit është një grua 57-vjeçare, trupi i së cilës u gjet pasi ajo kishte drejtuar një makinë në një rrugë të mbyllur në shtetin Bavaria ku ishte fundosur.
Lumenjtë dhe përrenjtë dolën nga brigjet e tyre në shumë zona të shteteve gjermane Baden-Wurttemberg dhe Bavaria.
Autoritetet e motit thanë se situata në vend do të lehtësohet pasi nuk parashikohen shira të dendur.
Përpjekjet vazhdojnë për të gjetur një zjarrfikës të zhdukur, anija e të cilit u përmbys gjatë një operacioni shpëtimi nga përmbytjet.
Gjatë vizitës së tij në zonën e goditur nga përmbytjet në Gjermaninë jugore, kancelari Olaf Scholz u zotua të ndihmojë rajonin e prekur.
“Ne nuk do të neglizhojmë detyrën e ndalimit të ndryshimeve klimatike të shkaktuara nga njeriu”, tha kancelari Scholz.
