Gjermania ka dorëzuar dy sisteme të mbrojtjes ajrore "Patriot" në Ukrainë, konfirmuan sot autoritetet.
Sipas një dokumenti të publikuar në uebsajtin e qeverisë, Gjermania përmbylli dërgesën e dy sistemeve raketore "Patriot".
Ato iu premtuan Ukrainës gjatë Samitit të NATO-s në Lituani në korrik.
Lista e përditësuar e ndihmave të qeverisë gjermane përfshinte gjithashtu 10 automjete të tjera për të gjitha terrenet, katër dronë zbulimi, 100 mitralozë MG5 dhe rreth 6.500 fishekë municione 155 mm.
Gjermania rriti mbështetjen e saj ushtarake për Ukrainën pas presionit nga ShBA-ja dhe aleatët e tjerë dhe aktualisht është furnizuesi i dytë më i madh i armëve në vend.
Në muajt e fundit, Berlini furnizoi armë dhe pajisje me vlerë miliarda dollarë, përfshirë tanke luftarake, automjete luftarake të këmbësorisë, transportues të blinduar të personelit dhe sisteme të mbrojtjes ajrore.
