Rregullatori i rrjetit energjetik të Gjermanisë të enjten paralajmëroi për mungesat e gazit këtë dimër dhe pranoi se qëllimi i qeverisë për të rritur kapacitetin e magazinimit në 95 për qind deri më 1 nëntor është i paarritshëm.
Presidenti i Bundesnetzagentur Klaus Mueller tha për portalin t-online se konsumi i gazit do të rritet ndjeshëm në vjeshtë, gjë që do ta bëjë shumë më të vështirë arritjen e objektivave të vendosura nga qeveria.
“Nuk mendoj se do të jemi në gjendje të përmbushim objektivat e ardhshëm të magazinimit aq shpejt sa i pari. Të arrijmë 85 për qind deri më 1 tetor nuk është e pamundur, por është shumë ambicioze, sepse do të ngrohemi me gaz. Në të gjitha skenarët, humbasim qëllimin prej 95 për qind të mbushjes së depove deri më 1 nëntor. Vështirë se do ta arrijmë këtë”, tha ai.
Qeveria gjermane filloi zbatimin e planeve emergjente muajin e kaluar për të kursyer gazin për dimrin e ardhshëm, mes shqetësimeve se Rusia mund të ndërpresë plotësisht furnizimet në Evropë.
Gjermania ka rreth 23 miliardë metra kub rezerva gazi dhe niveli aktual i zënies është 77 për qind.
19 Gus 2022
Gjermania paralajmëroi mungesë gazi gjatë dimrit
Konsumi i gazit, sipas presidentit të Bundesnetzagentur, Klaus Mueller, do të rritet ndjeshëm në vjeshtë.
AA
Lajme të ngjashme
Artikujt në këtë kategori
Çfarë tjetër do të donit të dinit?
Popullore
Gjykata Speciale kufizon kontaktet për Thaçin, Veselin dhe Selimin
Ky vendim, siç njofton Gjykata Speciale, vjen si përgjigje ndaj përpjekjeve për të ndërhyrë te dëshmitarët e për të penguar dëshmitë e tyre, dhe kërcënimeve të mëtejshme ndaj integritetit të procesit në çështjen gjyqësore Thaçi dhe të tjerët.
