Një anëtar i byrosë politike të Hamasit, Izzat al-Risheq, tha se kryeministri izraelit Benjamin Netanyahu po i shmanget marrëveshjes së armëpushimit për të vazhduar gjenocidin në Gaza.
Al-Risheq lëshoi një deklaratë në lidhje me deklaratën e Netanyahut se Izraeli është "gati për një marrëveshje të pjesshme" në Gaza.
Al-Rishek tha se “Deklarata e Netanyahut për marrëveshjen e pjesshme dhe vazhdimin e sulmit tregon se ai po gënjen familjet e të burgosurve dhe se nuk kujdeset për jetën e fëmijëve”.
“Pozicioni real i Netanyahut është se ai nuk dëshiron të arrijë marrëveshje, të shmangë armëpushim në mënyrë që të blejë kohë dhe të vazhdojë gjenocidin”, tha Al-Rishek.
Ai i bëri thirrje administratës amerikane të ndalojë mbështetjen e Netanyahut dhe të ushtrojë presion ndaj tij për të ndaluar luftën në Rripin e Gazës.
Më shumë se 37.500 palestinezë janë vrarë në sulmet izraelite në Rripin e Gazës që nga 7 tetori i vitit të kaluar, shumica prej tyre gra dhe fëmijë, si dhe rreth 86.000 janë plagosur, sipas autoriteteve lokale shëndetësore.
Izraeli është akuzuar për gjenocid në Gjykatën Ndërkombëtare të Drejtësisë, vendimi i fundit i së cilës urdhëroi autoritetet izraelite të ndalonin menjëherë operacionin e tyre ushtarak në qytetin jugor të Rafahut.