Pesë raketa u hodhën nga Libani në veri të Izraelit sot mes tensioneve në rritje midis Hezbollahut dhe Tel Avivit, sipas mediave izraelite.
Kanali izraelit 12 tha se katër raketa u hodhën në vendbanimin Shtula pranë kufirit me Libanin, me një raketë që goditi një shtëpi.
Një raketë antiblindë goditi gjithashtu një shtëpi në vendbanimin Menara, duke shkaktuar dëme, tha transmetuesi.
Nuk raportohet për të plagosur nga raketat.
Shqetësimet janë rritur për një luftë të plotë midis Izraelit dhe Hezbollahut në vazhdën e shkëmbimeve pothuajse të përditshme të sulmeve.
Përshkallëzimi vjen teksa vazhdojnë sulmet vdekjeprurëse izraelite në Rripin e Gazës, të cilat kanë vrarë afro 39.200 njerëz që nga 7 tetori i vitit të kaluar pas një sulmi nga grupi i rezistencës palestineze Hamas.
