Në sulmet izraelite në lagjen Sheikh Ridwan në veri të Gazës, katër palestinezë u vranë dhe një numër i madh u plagosën duke përfshirë fëmijë.
Sipas agjencisë palestineze të lajmeve WAFA, avionët luftarakë izraelitë kryen një sulm ajror në kampin e refugjatëve al-Buraij në pjesën qendrore të Rripit të Gazës dhe forcat pushtuese hapën zjarr intensiv në pjesët lindore të rrethit Zeytun me armë automatike nga automjetet e ushtrisë.
Forcat izraelite bllokuan një shtëpi në qytetin Al-Karara, në veri të Khan Younis, ku strehoheshin dhjetë persona, përfshirë gra dhe fëmijë.
Në kundërshtim me një rezolutë të Këshillit të Sigurimit të Kombeve të Bashkuara që kërkon një armëpushim të menjëhershëm, Izraeli ka kryer sulme të vazhdueshme në Rripin e Gazës që nga 7 tetori, të cilat deri më tani kanë vrarë afro 39.140 dhe kanë plagosur më shumë se 90.257 palestinezë.
Izraeli është akuzuar për gjenocid nga Gjykata Ndërkombëtare e Drejtësisë, e cila urdhëroi Tel Avivin të ndalojë menjëherë operacionin e tij ushtarak në qytetin jugor të Rafah, ku më shumë se një milion palestinezë kërkuan strehim nga lufta përpara se të sulmohej më 6 maj.