Komisioni Evropian (KE) ka udhëzuar punonjësit e tij që të heqin aplikacionin TikTok nga telefonat e tyre privatë dhe të korporatave.
Sipas lajmit në ueb sajtin "Politico", KE-ja, e cila funksionon si organi ekzekutiv i Bashkimit Evropian (BE), ka ndaluar përdorimin e aplikacionit të mediave sociale TikTok për punonjësit e saj për arsye sigurie.
Në këtë kontekst, të gjithë punonjësit e KE-së u udhëzuan të hiqnin aplikacionin nga pajisjet e tyre personale ose të korporatave me çdo aplikacion të lidhur me punën të instaluar.
Institucionet e tjera të BE-së, Këshilli i BE-së dhe Parlamenti Evropian (PE) pritet të ndërmarrin hapa të ngjashëm në të ardhmen e afërt.
TikTok-u, në pronësi të kompanisë kineze të teknologjisë, shkakton shqetësime për sigurinë kombëtare në disa vende.
Në ShBA, përdorimi i TikTok-ut është i ndaluar në pajisjet e përdorura për shërbim zyrtar.
