Sekretari amerikan i shtetit Antony Blinken mbërriti në Kiev për të treguar mbështetjen e Shteteve të Bashkuara të Amerikës (ShBA) ndaj Ukrainës.
"Unë u ktheva në Kiev sot për të treguar mbështetjen tonë të palëkundur për Ukrainën, e cila po mbron lirinë e saj nga agresioni rus", shkroi Blinken në X.
Zëdhënësi i Departamentit të Shtetit të ShBA-së, Matthew Miller, tha se Blinken do të takohet me presidentin ukrainas Volodymyr Zelensky dhe liderë të lartë ukrainas në Kiev.
Miller vuri në dukje se Blinken do të diskutojë me udhëheqësit ndikimin e ndihmës së re ekonomike të ShBA-së dhe përpjekjet për të mbështetur rimëkëmbjen ekonomike të Ukrainës.
Ditët e fundit, Rusia ka shtuar sulmet e saj në Kharkiv, në kufirin verior të Ukrainës.
Në ditët e fundit, ushtria ruse ka marrë nën kontroll më shumë se dhjetë vendbanime në rajonin e Kharkiv. Ukraina kërkon më shumë mbështetje ushtarake nga Perëndimi kundër sulmeve në rritje ruse.
