Të paktën 16.480 fëmijë palestinezë janë vrarë në sulmet izraelite në Rripin e Gazës që nga 7 tetori i vitit të kaluar, thanë autoritetet lokale të hënën.
"Midis viktimave janë 115 foshnja", tha për AA-në Ismail al-Sawabite, drejtor i përgjithshëm i Zyrës së Medias Qeveritare në Gaza.
Sipas tij, 35 fëmijë palestinezë vdiqën nga kequshqyerja dhe dehidratimi gjatë bllokadës izraelite të enklavës.
“Të paktën 3.500 fëmijë në Gaza përballen me rrezikun e vdekjes për shkak të mungesës së ushqimit dhe kequshqyerjes për shkak të kufizimeve izraelite për dërgimin e ushqimit në Gaza”, paralajmëroi ai.
Ai shtoi se më shumë se 17.000 fëmijë humbën prindërit e tyre ose të paktën një nga prindërit e tyre pasi u vranë brutalisht nga forcat okupuese izraelite.
Për muaj të tërë, agjencitë ndërkombëtare dhe ata të Kombeve të Bashkuara kanë paralajmëruar për ndikimin negativ psikologjik të ofensivës shkatërruese të Gazës të Izraelit ndaj fëmijëve palestinezë.
Numri i palestinezëve të vrarë në sulmet e kryera nga ushtria izraelite në Rripin e Gazës që nga 7 tetori 2023 është rritur në 40.139, njoftoi ministria e Shëndetësisë në Gaza.
Në shkelje të një rezolute të Këshillit të Sigurimit të Kombeve të Bashkuara që kërkon një armëpushim të menjëhershëm, Izraeli është përballur me dënimin ndërkombëtar në mes të ofensivës së tij të vazhdueshme brutale në Rripin e Gazës që nga sulmi i 7 tetorit 2023 nga grupi palestinez Hamas.
Izraeli është akuzuar për gjenocid në Gjykatën Ndërkombëtare të Drejtësisë, vendimi i fundit i së cilës urdhëroi Tel Avivin të ndalonte menjëherë një operacion ushtarak në qytetin jugor të Rafahut, ku më shumë se një milion palestinezë kërkuan strehim nga lufta përpara se të sulmohej më 6 maj.
