MPK: Mbi 800 palestinezë janë vrarë në Gaza që nga fillimi i qershorit

MPK: Mbi 800 palestinezë janë vrarë në Gaza që nga fillimi i qershorit

MSF-ja ndau informacione rreth sulmeve ajrore dhe tokësore izraelite në Rripin e Gazës.
MPK: Mbi 800 palestinezë janë vrarë në Gaza që nga fillimi i qershorit / Photo: AA

Mjekët pa Kufij (MSF) thanë se më shumë se 800 palestinezë janë vrarë dhe 2.400 të tjerë janë plagosur në sulmet izraelite në Rripin e Gazës që nga fillimi i qershorit.

MSF-ja ndau informacione rreth sulmeve ajrore dhe tokësore izraelite në Rripin e Gazës, duke thënë se sulmet e tmerrshme në rajon, kishin shkaktuar nivele të papranueshme dhimbjesh dhe vuajtjesh dhe zbuluan një shpërfillje të qartë për jetën e palestinezëve.

Thuhet se javët e fundit, ka pasur shumë sulme ndaj objekteve shëndetësore të mbështetura nga MSF-ja në Rafah dhe në Gazën qendrore.

Duke i bërë thirrje Izraelit që "të ndalojë menjëherë masakrat", MSF-ja theksoi gjithashtu se aleatët e Izraelit, duke përfshirë ShBA-në, Britaninë e Madhe dhe vendet anëtare të Bashkimit Evropian, duhet të bëjnë presion ndaj Tel Avivit që të ndalojë sulmet e tij ndaj civilëve dhe infrastrukturës civile në Gaza.

Ata deklaruan se 274 palestinezë u vranë vetëm në sulmin e 8 qershorit, dhe më shumë se 60 të plagosur rëndë, u dërguan në spitalin Nasser, me mbështetjen e MSF-së.

Në të njëjtën ditë, u tha se 420 të plagosur dhe 190 të vdekur, përfshirë fëmijë, mbërritën në spitalin Al-Aksa. Sulmet izraelite në Rripin e Gazës, që nga 7 tetori kanë vrarë 37.232 palestinezë, duke përfshirë të paktën 15.517 fëmijë dhe 10.279 gra, ndërsa kanë plagosur 85.037 njerëz.

Sipas raportimeve, ka ende mijëra të vdekur nën rrënoja.

AA