Regjimi 61-vjeçar i partisë Baath në Siri kanë marrë fund. Gjashtëdhjetë e një vjet të sundimit të Partisë Baath në Siri, që filluan në vitin 1963 me një grusht shteti, kanë përfunduar pasi forcat e opozitës morën kontrollin e kryeqytetit Damask.
Partia Socialiste Arabe Baath erdhi në pushtet përmes një grushti shteti në mars 1963. Në vitin 1970, Hafez al-Assad, babai i sundimtarit më të fundit të Sirisë Bashar al-Assad, konsolidoi pushtetin përmes një grushti të brendshëm partiak dhe mori presidencën në 1971.
Bashar al-Assad pasoi babain e tij pasi ai ndërroi jetë në vitin 2000, duke vazhduar sundimin e Partisë Baath.
Në mesin e raporteve të ndryshme se Assad u largua nga Damasku me avion për në qytetin e Homsit, fati i tij aktual dhe vendndodhja janë të paqarta.
Opozita siriane ka njoftuar në një deklaratë televizive se ka liruar Damaskun dhe ka rrëzuar regjimin 24-vjeçar të presidentit Bashar al Assad, duke shtuar se të gjithë të burgosurit janë liruar.
Opozita tha se ka "përmbysur 'tiranin' Bashar al-Assad".
Protestuesit u ngritën kundër regjimit të shtunën vonë në lagjet e Damaskut, ndërsa forcat e regjimit u tërhoqën nga vendet kritike si ministria e Mbrojtjes, ministria e Brendshme dhe Aeroporti Ndërkombëtar.
Me hyrjen e protestuesve në zonat vendimtare, regjimi kishte humbur pjesën më të madhe të kontrollit mbi kryeqytetin.
Të burgosurit në burgun Sednaya në Damask, i njohur për lidhjen e tij me regjimin dhe praktikat famëkeqe të torturës, u liruan nga demonstruesit që sulmuan objektin.
Forcat opozitare kishin marrë kontrollin e pjesës më të madhe të qendrës së qytetit të Aleppos dhe kishin vendosur dominimin në të gjithë provincën Idlib deri më 30 nëntor.
Pas përleshjeve intensive të enjten, grupet opozitare morën kontrollin e qendrës së qytetit Hama nga forcat e regjimit.
Grupet kundër regjimit kapën disa vendbanime në provincën e rëndësishme strategjike Homs dhe filluan të përparojnë drejt kryeqytetit sirian.
Të premten, grupet opozitare siriane morën kontrollin e Daraa në jug të Sirisë jugore pranë kufirit me Jordaninë.
Më herët të shtunën, ata morën kontrollin e provincës Suwayda në jug dhe forcat lokale të opozitës në Quneitra morën kontrollin e kryeqytetit të provincës.
