Miliarda njerëz kanë përjetuar probleme lidhur me ujin në baza ditore - nga uji i pijshëm i kontaminuar, te thatësirat dhe përmbytjet - me një raport të OKB-së që paralajmëron se rreziku i një krize globale është i afërt.
Këtu janë disa pika kryesore nga Forumi i Ujit i OKB-së, i cili publikoi raportin e tij në prag të konferencës së parë të madhe mbi këtë çështje në gati gjysmë shekulli, që do të fillojë të mërkurën në Nju Jork.
Rreth 10% e popullsisë së botës jeton në një vend, në të cilin raporti i përdorimit të ujit ndaj disponueshmërisë së konsiderohet "i lartë ose kritik", duke krijuar ndikime të rëndësishme në disponueshmërinë e tij për nevoja personale.
Ekspertët e klimës në OKB thanë në një raport të hënën se “afërsisht gjysma e popullsisë së botës aktualisht përjeton mungesë të rëndë uji për të paktën një pjesë të vitit”.
Banka Botërore vlerëson se mungesat e ujit të përkeqësuar nga ndryshimet klimatike mund t'u kushtojnë disa rajoneve deri në 6% të PBV-së deri në vitin 2050 për shkak të ndikimeve në bujqësi, shëndetësi, të ardhura dhe migrim potencialisht të detyruar ose edhe konflikt.
Numri i banorëve urbanë të kërcënuar nga mungesa e ujit pritet të rritet nga 933 milionë në vitin 2016 në mes 1,7 dhe 2,4 miliardë në vitin 2050, sipas Forumit të Ujit të OKB-së, i cili projekton se India do të përjetojë efektet më të rënda.
Fatkeqësitë natyrore
Ndërsa planeti ngrohet, lagështia në atmosferë rritet me rreth shtatë për qind me çdo gradë Celsius shtesë. Kjo nga ana tjetër çon në më shumë reshje, të cilat janë më intensive dhe më pak të rregullta.
Mes viteve 2000 dhe 2019, përmbytjet vlerësohet të kenë shkaktuar dëme prej 650 miliardë dollarësh, kanë prekur 1,7 milionë njerëz dhe kanë shkaktuar më shumë se 100.000 vdekje, sipas raportit.
Ngrohja gjithashtu intensifikon dhe rrit frekuencat e thatësirave, të cilat gjatë të njëjtës periudhë prekën 1,4 milion njerëz dhe shkaktoi dëme prej 130 miliardë dollarësh.
Dëmtimi i ekosistemit
Ndotësit po kërcënojnë gjithashtu ekosistemet e ujërave të ëmbla, të cilat preken veçanërisht nga rrjedhjet bujqësore.
Këto ekosisteme të brishta janë "ndër më të kërcënuarit në botë", thotë raporti.
“Humbja e shërbimeve mjedisore dhe biodiversitetit pritet të vazhdojë pasi peizazhet natyrore humbasin për tokën e kultivuar”, thotë raporti, duke vënë në dukje se këto tranzicione mund të rezultojnë në emetimin e gazeve serrë.
