Numri i fëmijëve të referuar në shërbimet urgjente të shëndetit mendor në Angli është rritur ndjeshëm, me shifra që tregojnë një rritje prej 10% të rasteve urgjente gjatë një viti.
Listat e gjata të pritjes së Shërbimit Kombëtar të Shëndetit (NHS) për kujdesin rutinë të shëndetit mendor fajësohen si shkak madhor për shtyrjen e të rinjve të cenueshëm në krizë, sipas një analize të fundit të të dhënave nga shoqata bamirëse e shëndetit mendor YoungMinds.
Midis prillit dhe tetorit të viti të shkuar, pati 34.793 referime urgjente, shumë urgjente ose urgjente drejt ekipeve të krizave të shërbimeve të shëndetit mendor të fëmijëve dhe adoleshentëve (CAMHS), krahasuar me 31.749 gjatë së njëjtës periudhë në vitin 2023.
YoungMinds theksoi se shumë nga fëmijët që kërkonin kujdes urgjent po përjetonin sfida të rënda të shëndetit mendor, duke përfshirë idetë vetëvrasëse dhe kushte serioze të sjelljeve si çrregullimet e të ngrënit.
Pavarësisht nevojave të tyre urgjente, shumë prej tyre kanë ngecur në listat e pritjes së NHS-së për muaj apo edhe vite, duke i përkeqësuar kështu më shumë situatat e tyre shëndetësore.
Të dhënat treguan se midis prillit dhe tetorit 2024, pati 4.424 referime të reja shumë urgjente për ekipet e kujdesit ndaj krizave, 13% më shumë nga 3.912 në të njëjtën periudhë në 2023, 24.886 referime të reja urgjente, duke shënuar një rritje prej 13% nga 22.045 një vit më parë, si dhe 5.483 referime emergjente, një rënie prej 5% krahasuar me të njëjtën periudhë në 2023.
Ndërsa referimet e urgjencës panë një rënie të lehtë, rritja e rasteve urgjente dhe shumë urgjente ka mposhtur ekipet e kujdesit ndaj krizave.
YoungMinds ka shprehur shqetësim të thellë për këto përfundime, duke theksuar nevojën urgjente për rritjen e fondeve dhe burimeve për shërbimet e shëndetit mendor të NHS-së.
