Rusia dërgoi anije kozmike në Hënë për herë të parë pas 47 vitesh për të kërkuar burim uji.
Agjencia federale hapësinore e Rusisë, Roscosmos, nga baza hapësinore Vostochny 5.500 km në lindje të kryeqytetit Moskë lëshoi raketën Soyuz 2.1v e cila transportoi anijen kozmike Luna-25.
Luna-25 pas lëshimit të suksesshëm ka hyrë në orbitën e fluturimit, ndërkohë planifikohet që anija kozmike të ulet në polin jugor të Hënës më 21 gusht.
Për një periudhë prej afërsisht një viti Luna-25 do të kryejë kërkime në Hënë dhe krahas kërkimit të burimit të ujit ajo ka misione për të shqyrtuar efektet e rrezeve hapësinore dhe emetimet elektromagnetike në sipërfaqen e Hënës.
Kreu i Roscosmos Yuriy Borisov u shpreh se Luna-25 është dërguar në Hënë me qëllime paqësore dhe se planifikojnë që në Hënë të dërgojnë anije kozmike edhe në vitin 2027, 2028 dhe në 2030.
