Rusia njoftoi të mërkurën një tjetër shkëmbim të robërve të luftës me Ukrainën.
Në një deklaratë, Ministria e Mbrojtjes ruse tha se 95 ushtarakë rusë u kthyen nga robëria ukrainase, ndërsa një numër i barabartë ushtarësh ukrainas u transferuan në Kiev.
"Ushtarët e liruar do të transportohen në Moskë me avion transportues ushtarak të Forcave Ajrore Ruse për t'iu nënshtruar trajtimit dhe rehabilitimit në institucionet mjekësore të Ministrisë së Mbrojtjes së Rusisë", thuhet në deklaratë.
Të gjithë të liruarve iu ofrohet ndihma e nevojshme mjekësore dhe psikologjike, thuhet në njoftim.
Ministria shprehu gjithashtu mirënjohje për Emiratet e Bashkuara Arabe për ndërmjetësimin e tyre në lehtësimin e procesit të shkëmbimit të të burgosurve.
Në një deklaratë të veçantë, presidenti ukrainas Volodymyr Zelenskyy konfirmoi shkëmbimin. "Ne vazhdojmë t'i sjellim njerëzit tanë në shtëpi. 95 mbrojtës të tjerë u liruan nga robëria ruse. Këta janë ushtarë të forcave të armatosura të Ukrainës, Gardës Kombëtare dhe rojeve kufitare", tha ai.
"Pavarësisht se sa e vështirë mund të jetë, ne po i kërkojmë të gjithë ata që mund të jenë në robëri. Ne duhet t'i kthejmë të gjithë", theksoi Zelenskyy.
