Shtëpia e Bardhë shprehu dëshirë të fuqishme të premten për të zgjatur një marrëveshje armëpushimi midis Izraelit dhe grupit libanez Hezbollah, e cila do të përfundojë brenda disa javësh.
"Ne kemi çdo interes që të shohim që armëpushimi të vazhdojë përtej 60 ditëve, si dhe ne po punojmë shumë në kanalet diplomatike, dhe tani jemi në gjendje të punojmë me presidentin e ri të Libanit për të parë nëse mund kjo të ndodhë" U tha gazetarëve zëdhënësi i Këshillit të Sigurisë Kombëtare, John Kirby.
"Ne po punojmë absolutisht për të parë nëse ky armëpushim mund të vazhdojë," shtoi ai.
Gjashtë persona u vranë të premten kur një dron izraelit goditi një automjet në qytetin jugor të Libanit Tayr Debba, duke shënuar shkeljen më të fundit të marrëveshjes së armëpushimit të nënshkruar më 27 nëntor.
Marrëveshja synonte t'u jepte fund mbi 14 muajve të luftimeve midis ushtrisë izraelite dhe grupit Hezbollah që nga fillimi i luftës së Gazës në tetor 2023, ku për afërsisht dy javë mbeten nën kushtet e saj.
Sipas armëpushimit, Izraelit i kërkohet të tërheqë forcat e tij në jug të Linjës Blu – një kufi de facto – në faza, ndërsa ushtria libaneze do të vendoset në Libanin jugor brenda kornizës kohore 60-ditore të paktit.
Sipas armëpushimit, Izraelit i kërkohet të tërheqë forcat e tij në jug të Linjës Blu – një kufi de facto – në faza, ndërsa ushtria libaneze do të vendoset në Libanin jugor brenda kornizës kohore 60-ditore të paktit.
Të dhënat nga Ministria libaneze e Shëndetësisë tregojnë se që nga fillimi i sulmit të Izraelit kundër Libanit më 8 tetor 2023, të paktën 4.063 njerëz janë vrarë, duke përfshirë gra, fëmijë dhe punonjës shëndetësorë, ndërsa 16.664 të tjerë janë plagosur.
