Sekretari i Përgjithshëm i NATO-s, Jens Stoltenberg, duke shënuar 75-vjetorin e themelimit të aleancës, tha se ajo jo vetëm që përhap "paqe, demokraci dhe prosperitet" në gjithë Evropën, por gjithashtu "shumëfishoi fuqinë e Amerikës".
"Sot ne festojmë 75-vjetorin e aleancës më të fortë, më të qëndrueshme dhe më të suksesshme në histori", tha kreu i NATO-s në ceremoninë e mbajtur në Bruksel.
"Evropa ka nevojë për Amerikën e Veriut për sigurinë e saj. Në të njëjtën kohë, Amerika e Veriut gjithashtu ka nevojë për Evropën", tha ai, duke shtuar: "Aleatët evropianë ofrojnë ushtri të klasit botëror, rrjete të mëdha inteligjence dhe mundësi unike diplomatike, duke shumëfishuar fuqinë e Amerikës".
Ai theksoi se nuk beson në konceptet "Amerika e vetme" apo "Evropën e vetme".
"Unë besoj në Amerikën dhe Evropën së bashku në NATO, sepse ne jemi më të fortë dhe më të sigurt së bashku", shtoi ai.
Ai theksoi gjithashtu se ndarja e drejtë e barrës midis anëtarëve është thelbësore dhe tha se Evropa po investon më shumë, pasi shumica e aleatëve të NATO-s do të investojnë të paktën 2 për qind të PBB-së në mbrojtje në vitin 2024.
Ky përvjetor e gjen aleancën e pas - Luftës së Dytë Botërore - me një rekord prej 32 anëtarësh, pasi së fundmi janë pranuar edhe Finlanda dhe Suedia, të cilët kërkuan anëtarësim për shkak të luftës në Ukrainë.
