29.878 palestinezë janë vrarë në sulmet izraelite në Rripin e Gazës që nga 7 tetori i vitit të kaluar.
Ministria e shëndetësisë me bazë në Gaza tha se 70.215 njerëz ishin plagosur në sulmet 144-ditore izraelite.
Në njoftim thuhet se në 24 orët e fundit, ushtria izraelite kreu 11 masakra në gjithë Rripin e Gazës ku 96 persona u vranë dhe 172 u plagosën.
Në njoftim thuhet gjithashtu se për shkak të sulmeve të vazhdueshme izraelite, autoritetet në Gaza ende nuk janë në gjendje të aksesojnë të gjitha rrënojat dhe të mbledhin trupat e të gjithë të vrarëve.
Izraeli akuzohet për gjenocid para Gjykatës Ndërkombëtare të Drejtësisë. Një vendim i përkohshëm në janar urdhëroi Tel Avivin të ndalonte aktet gjenocidale dhe të merrte masa për të garantuar ofrimin e ndihmës humanitare për civilët në Gaza.
Sipas të dhënave të OKB-së, 85 për qind e popullsisë në Rripin e Gazës është zhvendosur brenda vendit për shkak të sulmeve izraelite, ndërsa 60 për qind e infrastrukturës së enklavës është dëmtuar ose shkatërruar.
