Transportuesi kombëtar turk Turkish Airlines ka ruajtur titullin e saj të “linjës ajrore më të mirë në Evropë” për të nëntën herë, falë një çmimi nga agjencia e vlerësimit të transportit ajror Skytrax.
Transportuesi turk gjithashtu mori çmimet e hotelierisë më të mirë të klasit të biznesit dhe linjës ajrore më të mirë në Evropën Jugore, në sondazhin Çmimet e Linjave Ajrore Botërore 2024.
Çmimet e njohura si "Oskaret e Industrisë së Aviacionit" u shpallën në një ngjarje të mbajtur në Londër.
"Këto çmime theksojnë cilësinë e jashtëzakonshme të shërbimit të transportuesit në gjithë rrjetin e saj të gjerë, duke nënvizuar përkushtimin e linjës ajrore për të ofruar një përvojë udhëtimi të qetë dhe të rehatshme për pasagjerët e saj", tha Turkish Airlines në një deklaratë.
E themeluar në vitin 1933, Turkish Airlines ka një flotë prej 458 avionësh (pasagjerësh dhe mallrash) që fluturojnë në 347 destinacione në mbarë botën, respektivisht 293 ndërkombëtare dhe 53 vendase.
Në ndarjen e çmimeve, Qatar Airways u përcaktua linja ajrore më e mirë në botë, duke fituar titullin prestigjioz Linja Ajrore 2024.
Nga më shumë se 350 linja ajrore të përfshira në rezultatet e sondazhit, duke humbur vendin e saj të parë Singapore Airlines u rendit e dyta në botë për këtë vit. Emirates u rendit e treta, ANA All Nippon Airways e katërta dhe Cathay Pacific e pesta.
