Zjarret e mëdha të shkaktuara nga erërat e forta janë përhapur me shpejtësi në veri dhe veriperëndim të Los Anxhelosit, duke lënë pas të paktën dy të vdekur dhe duke shkatërruar më shumë se një mijë shtëpi, biznese dhe objekte të tjera.
Eaton është më i madhi nga tre zjarret më të vogla dhe ka djegur 2.227 hektarë. Hurst dogji mbi 500 hektarë, ndërsa Woodley dogji 75 hektarë.
Shuarja nga ajri është bërë e pamundur për shkak të erërave të forta. Shërbimi Kombëtar i Motit (NWS) ka shpallur alarmin e kuq për shkak të stuhive të erës kërcënuese për jetën dhe shkatërruese në zonë.
Një urdhër evakuimi është lëshuar për më shumë se 70.000 banorë të Los Anxhelosit.
"Ne duam të sigurohemi që të gjithë të kuptojnë se ne nuk jemi ende jashtë rrezikut nga erërat e forta", u tha gazetarëve shefi i Departamentit të Zjarrfikësve në Los Angeles, Kristin Crowley.
Presidenti amerikan Joe Biden ka urdhëruar dërgimin e ekipeve për të ndihmuar në luftimin e zjarreve, tha Shtëpia e Bardhë.
Zjarret kanë goditur lagjet e pasura ku jetojnë të famshëm dhe të pasur, dhe burimet lokale raportojnë se shumë prej tyre janë strehuar në hotele luksoze në Beverly Hills që paguajnë deri në 700 dollarë për natë.
Yjet e Holiwoodit Ben Affleck, Jennifer Garner, Kate Hudson, Reese Witherspoon dhe Tom Hanks janë vetëm disa nga yjet e Hollivudit që kanë shtëpi në rajonet e goditura nga zjarri i Los Anxhelosit.
Affleck gjithashtu thuhet se ndihmoi në evakuimin e ish-bashkëshortes së tij Garner.
Për rajonin e djegur nga zjarri u këndua edhe në hitin e famshëm "Surfin USA" nga grupi pop Beach Boys.
Ndër pronarët e shtëpive që u dogjën nga zjarret janë ylli televiziv Spencer Pratt dhe gruaja e tij Heidi Montag, si dhe aktori James Woods.
Aktori i trilogjisë së "Star Wars", Mark Hamill tha gjithashtu se duhej të linte shtëpinë e tij në lagjen luksoze Malibu.
