Policia e Shtetit arreston shtetasin turk Fatih Özer

Në qytezën bregdetare në Himarë të Shqipërisë, është kapur Fatih Özer, i shumëkërkuari, 28-vjeçar nga Türkiye, i shpallur në kërkim ndërkombëtar për veprat penale “Krijimi i organizatës kriminale” dhe "Mashtrimi me pasoja të rënda”, njoftojnë nga Policia e Shtetit.
"Në vijim të punës për kapjen e personave të shpallur në kërkim kombëtar dhe ndërkombëtar, pas shumë kërkimesh në disa qarqe të vendit, bazuar edhe në informacionet e marra në rrugë operative për vendndodhjen e një personi shumë të kërkuar nga drejtësia turke, si dhe falë përdorimit të metodave proaktive nga DVP Elbasan, në bashkëpunim me Prokurorinë e Rrethit Gjyqësor Elbasan, u organizua dhe u finalizua operacioni policor i koduar “Brain”, thonë nga Policia e Shtetit.
Arrestimi i Özer-it, në Himarë, siç njoftuan nga Policia e Shteti, vjen si rezultat i fletëarrestit ndërkombëtar të lëshuar nga Interpol Ankara. "Gjykata e Lartë e Stambollit ka lëshuar urdhër arresti në vitin 2021, ndaj 28-vjeçarit, per veprat penale “Krijimi i organizatës kriminale” dhe "Mashtrimi me pasoja të rënda”.
Gjatë operacionit, bashkë me shtetasin e shumëkërkuar, u shoqëruan dhe 2 shtetas te tjerë, B. Sh., 36 vjeç, banues ne Tiranë dhe E. H., 37 vjeç, banues ne Durrës, të cilët janë shoqëruar për veprime të mëtejshme, për të sqaruar pozitën e tyre procedurale në raport me personin e shpallur në kërkim ndërkombëtar", sqarojnë nga Policia e Shtetit.
Në cilësinë e provës materiale janë sekuestruar laptopë, aparate celulare dhe karta bankash.
Materialet procedurale i kaluan Prokurorisë pranë Gjykatës së Rrethit Gjyqësor Elbasan, për veprime të mëtejshme.