Ministri i Mbrojtjes së Shqipërisë, Pirro Vengu prezantoi sot në Komisionin parlamentar të Politikës së Jashtme projektligjin për ratifikimin e marrëveshjes ndërmjet Republikës së Shqipërisë dhe Republikës së Sllovenisë për bashkëpunimin në mbrojtjen ndaj katastrofave natyrore dhe emergjencave të tjera.
Vengu deklaroi se ky bashkëpunim përfaqëson një hap të rëndësishëm në forcimin e kapaciteteve kombëtare dhe përmirësimin e bashkëpunimit ndërkombëtar për përballimin e sfidave globale.
Ministri vuri në dukje se marrëveshja ofron ndihmë të ndërsjelltë në rast fatkeqësish, shkëmbim njohurish dhe përvojash teknike, si dhe trajnim dhe zhvillim të kapaciteteve në fushën e mbrojtjes civile.
“Partneriteti me Slloveninë në këtë drejtim përforcon angazhimin tonë ndaj NATO-s, BE-së dhe organizatave ndërkombëtare, duke treguar se Shqipëria është partner aktiv dhe i besueshëm”, nënvizoi më tej Vengu.
