Shqipëria bëhet vendi i parë në Ballkan e cila furnizohet me dronin e mirënjohur turk Bayraktar.
Lajmi u bë i ditur sonte në faqen zyrtare të kompanisë Baykar, e cila shkruan se me Shqipërinë kanë nënshkruar marrëveshje për eksportin e dronit të armatosur Bayraktar TB2 SIHA.
Kontrata në ambientet e Kryeministrisë së Shqipërisë u nënshkrua nga sekretarja e përgjithshme e Ministrisë së Mbrojtjes të Republikës së Shqipërisë, Gelardina Prodani dhe drejtori i përgjithshëm i kompanisë turke të mbrojtjes, Lütfü Haluk Bayraktar, ndërsa të pranishëm ishin edhe kryeministri i Shqipërisë, Edi Rama, ministri i Mbrojtjes i Shqipërisë, Niko Peleshi, ambasadori turk në Tiranë, Tayyar Kağan Atay dhe zyrtarë të institucioneve të ndryshme.
“Është e pamundur për të falënderuar mjaftueshëm zotin president, mikun tonë të dashur mikun e shkëlqyer të këtij vendi dhe të këtij kombi, presidentin Erdoğan", theksoi Rama.
"Ne jemi shumë krenarë që së bashku me Republikën e Türkiyes dhe presidentin Erdoğan të jemi nga ana e duhur, të rreshtuar në aleancën më të madhe ushtarake, atë të bashkësisë euroatlantike, të NATO-s, dhe në të njëjtën kohë të jemi të rreshtuar në një partneritet mjaft strategjik midis nesh dhe Republikës së Türkiyes. Sot është një ditë shumë e mirë për marrëdhënien tonë. Është një ditë shumë e mirë për Forcat tona të Armatosura dhe është po kështu një ditë shumë e mirë për bashkëpunimin midis Ministrisë shqiptare të Mbrojtjes, forcave të mbrojtjes dhe Ministrisë turke të Mbrojtjes dhe forcave të saj të mbrojtjes", tha Rama.
20 Dhj 2022
Shqipëria vendi i parë në Ballkan që furnizohet me dronin Bayraktar
Droni Bayraktar ka treguar efikasitet të jashtëzakonshëm në luftën e Sirisë, në Libi, gjatë konfkiktit Azerbajxhan-Armeni, si dhe së fundmi në Ukrainë.
TRT Balkan / agjencitë
Lajme të ngjashme
Artikujt në këtë kategori
Iniciativa ShBA-Karta e Adriatikut, Vengu: Kosova duhet të jetë në tavolinë
“Karta të qëndrojë besnike e parimeve themelore të saj, përfshirë “Politikën e Dyerve të Hapura”. Në këtë kuptim, më lejoni të them, që vendi i Kosovës duhet të jetë këtu, në këtë tavolinë”, deklaroi Ministri i Mbrojtjes i Shqipërisë Pirro Vengu.
Begaj pret Herzogun në Tiranë: Shqipëria dhe Izraeli janë vende mike
Në mes të sulmeve brutale të Izraelit në Gaza ku kanë mbetur të vrarë mbi 41.000 palestinezë, presidenti Begaj konfirmoi qëndrimin se “Shqipëria i ka dënuar fuqishëm dhe pa mëdyshje sulmet terroriste të 7 tetorit 2023 nga Hamasi kundër Izraelit”.
Çfarë tjetër do të donit të dinit?
Popullore