Euro shënoi rënien në nivelin më të ulët në 20 vitet e fundit kundrejt dollarit amerikan sot, ndërsa indeksi i dollarit amerikan arriti në nivelin më të lartë të 20 viteve mes shqetësimeve për mungesën e energjisë dhe rritjes së çmimeve.
Kursi i këmbimit euro/dollar amerikan ra në 0,9877 për herë të parë që nga tetori 2002, kurse indeksi i dollarit arriti në 110 për herë të parë që nga qershori 2002.
Gjigandi rus i energjisë Gazprom njoftoi të premten se tubacioni i tij kryesor Rrjedha Veriore, i cili furnizon me gaz Evropën, do të jetë i mbyllur për shkak të një problemi teknik dhe nuk mund të rifillojë me shpërndarjen e gazit deri në rregullimin e problemit.
Zyrtarët e Rezervës Federale (FED) të ShBA-së kanë theksuar se rritja e normave të interesit është e përshtatshme deri në zbutjen e ndjeshme të inflacionit.
Në korrik, FED rriti normën e saj bazë të interesit me 75 pikë bazë, ritmi më i shpejtë i shtrëngimit në katër dekada.
Banka Qendrore Evropiane vlerësohet gjithashtu se do të rrisë normat e interesit me 75 pikë bazë këtë muaj, pasi inflacioni vjetor i konsumatorit në eurozonë kërceu papritur në një nivel të ri rekord prej 9,1 për qind në gusht.
5 Sht 2022
Rënie rekord e euros kundrejt dollarit amerikan
Kursi i këmbimit euro/dollar amerikan ra në 0,9877 për herë të parë që nga tetori 2002, kurse indeksi i dollarit arriti në 110 për herë të parë që nga qershori 2002.
AA
Lajme të ngjashme
Artikujt në këtë kategori
Çfarë tjetër do të donit të dinit?
Popullore
Gjykata Speciale kufizon kontaktet për Thaçin, Veselin dhe Selimin
Ky vendim, siç njofton Gjykata Speciale, vjen si përgjigje ndaj përpjekjeve për të ndërhyrë te dëshmitarët e për të penguar dëshmitë e tyre, dhe kërcënimeve të mëtejshme ndaj integritetit të procesit në çështjen gjyqësore Thaçi dhe të tjerët.
