Qeveria e Republikës së Kroacisë do të ndajë një rekord prej 64,5 milionë eurosh për sportin në vitin 2025.
Këtë informacion e ka konfirmuar sot në rrjetin social X, ministri i Turizmit dhe i Sportit i Kroacisë, Tonçi Gllavina, duke theksuar se paratë do t'u dhurohen shoqatave sportive ombrellë.
“Me këtë rritje, e cila është pothuajse katërfishuar në krahasim me vitin 2016, konfirmojmë mbështetje të fortë për sportin në të gjitha segmentet – niveli i lartë, parasport, sportet e të shurdhërve, sportet akademike dhe shkollore”, tha Gllavina.
Ai theksoi gjithashtu se çfarë pret qeveria kroate pas vendimit të fundit.
“Fondet e alokuara për Komitetin Olimpik Kroat, Komitetin Paralimpik Kroat, Federatën Kroate të Sporteve Shkollore, Federatën Kroate të Sporteve të të Shurdhërve dhe Federatës Kroate të Sporteve Akademike sigurojnë kushte për fëmijët dhe të rinjtë që të angazhohen në sport dhe të arrijnë rezultate të larta për sportistët tanë”, tha Gllavina.
