Kosova është vendi më demokratik dhe më pro-BE në Ballkanin Perëndimor, por më i izoluari, shkruan në Twitter, kryeminsitri i Kosovës, Albin Kurti. Ai përmes këtij posti e ka përkujtuar katër vjetorin e vendimit të dytë të Komisionit Evropian, i cili e konformoi se Kosova i përmbush të gjitha kriteret për liberalizimin e vizave.
“Sot mbushen 4 vjet që kur Komisioni Evropian e konfirmoi për herë të dytë se Kosova i përmbush të gjitha kriteret për liberalizimin e vizave. Ne jemi vendi më demokratik dhe pro-BE në Ballkanin Perëndimor, por më i izoluari. Shpresat e qytetarëve tanë duhet të përmbushen me vendosmërinë dhe solidaritetin e BE-së”, shkruan kryeministri Kurti.
TRT Balkan
