Ministria për Evropën dhe Punët e Jashtme e Shqipërisë ka shprehur solidaritetin e thellë me Türkiyen, në lidhje me tragjedinë në Bolu, përmes një reagimi në rrjetin social X.
“Zemërthyer nga lajmi i zjarrit tragjik në resortin e skive të Kartalkaya në Türkiye, ku janë humbur shumë jetë njerëzish!”, thuhet në reagimin e MEPJ-së.
“Në këtë moment të vështirë, Shqipëria dhe populli i saj janë në solidaritet me Türkiyen, si dhe përcjellim ngushëllimet më të sinqerta ndaj familjeve të viktimave, ndërsa urojmë rikuperim të shpejtë për personat e dëmtuar!” – thekson MEPJ-ja. Zjarri në pikën turistike dimërore, në provincën Bolu të Türkiyes, ka lënë të paktën 76 persona të vdekur dhe 51 të tjerë të lënduar.
TRT Balkan / agjencitë
