Nga 1 korriku gjoba për shitësit e qeseve në Shqipëri

Autoritet e Shqipërisë nga 1 korriku do të fillojnë me shqiptimin e gjobave për shitësit e qeseve të plastikës. Ky njoftimit i institucioneve përkatëse në Shqipëri, është bërë i ditur së fundmi pasi nga 1 qershori kanë hyrë në fuqi dispozitat për ndalimin e përdorimit të qeseve të plastikës. Kryeministri Edi Rama, përdorimin e qeseve të plastikës e ka konsideruar të dëmshëm për mjedisin dhe shëndetin. Zëvendësimi i qeseve të plastikës në Shqipëri, duhet të bëhet me strajca dhe me qese prej kartoni (letre).

Qeset që ndalohen janë ato për një përdorim, me trashësi më të vogël se 70 mikron dhe kapacitet më pak se 10 kilogramë. Sipas ndryshimeve ligjore, importimi, prodhimi dhe hedhja në treg e qeseve që nuk plotësojnë standardet e reja dënohet me gjobë nga 4 mijë deri në 12 mijë euro.
Shqipëria përdor mesatarisht 3,2 miliardë qese plastike në vit, një pjesë e madhe e të cilave përfundojnë në lumenj dhe në det. Kësisoj, sipas analizave zyrtare bërlloku nga qeset e plastikës është bërë ndër ndotësit kryesorë të mjedisit.

Kosovë, qeset do të blihen

Nga fillimi i vitit 2023 qytetarët e Kosovës gjatë blerjes nëpër markete do të duhet t’i paguajnë qeset. Qëllimi i ministrisë së Mjedisit, Planfikimit Hapësinore dhe Infrastrukturor të Kosovës, është largimi i tërësishëm i qeseve të plastikës nga marketet dhe shitoret. Në këtë mënyrë ata synojnë mbrojtjen e shëndetit të qytetarëv edhe ambientin.

Shprehitë e blerjes ndryshojnë

Përvojat e shteteve të rajonit në zbatimin e masave për mbrojtjen e mjedisit duke i larguar apo kufizuar qeset e plastikës tregojnë se shprehitë e qytetarëve gjatë blerjës mund të ndryshojnë.

Vlerësimet e para në Serbi, thonë se përdorimi i qeseve të plastikës është zvogëluar për gjysmë që kur qeset për “një përdorim” u ndaluan plotësisht më 1 janar të vitit 2020.
Po ashtu edhe Kroacia, e cila i ndjekë direktivat e Evropës, e solli ligjin për ndalesë të plotë të shfrytëzimit të qeseve të lehta të cilat që dekompozohen në mikroplastikë nuk janë të ripërdorshme dhe të krijojnë pasoja të mëdha për mjedisin.
Deri më 20 mijë pritet të shkojë gjoba për personat juridik të cilët do të shkelin dispozitat për ndalesë të shfrytëzimit të qeseve të plastikës për një përdorim. Ky përshkrim qëndron në propozim ndryshimet e fundit që duhet të ndodhin në Malin e Zi.

Planifikimet e Bosnje e Hercegovinës, janë që deri më vitin 2023 të paguhen plotësisht të gjitha qeset në qarkullimin ditor. Por, autoritet BeH ende janë duke e përgatitur kornizën ligjore, e cila do ta rregullon kufizimin e qeseve për një përdorim dhe ndalimin e atyre qeseve mbi 50 mikron.