Kryeministri i Shqipërisë Edi Rama ka ururar Kosovën në 17-vjetorin e Shpalljes së Pavarësisë.
“Mirëmëngjesi, Kosovë. Gëzuar pavarësinë dhe mbarësi gjithmonë”, shprehet Rama në një postim në rrjetet sociale.
Më 17 shkurt të vitit 2008, Kuvendi i Kosovës shpalli njëzëri Kosovën shtet të pavarur, sovran dhe demokratik. Shtetësinë e Kosovës aktualisht e kanë njohur 110 shtete. Pas përfundimit të luftës në qershor të vitit 1999, procesi për statusin përfundimtar të Kosovës nisi në viti 2005.
Pas konsultimeve gjithëpërfshirëse, më 2 shkurt të vitit 2007 i dërguari special ndërkombëtar për statusin e Kosovës, Martti Ahtisaari, dorëzoi propozimin e tij në Prishtinë dhe Beograd, për pavarësinë e kushtëzuar të Kosovës, hap që çoi drejt krijimit të shtetit te pavarur. Pasi u mbajtën disa raunde bisedimesh, Kosova u shpall e pavarur më 17 shkurt të vitit 2008.
