Në dy javët e fundit, numri i rasteve të reja me Covid është rritur në rretinën e qytetit të Splitit në Kroaci, konfirmoi të mërkurën drejtoresha e Institutit të Shëndetit Publik, Zheljka Karin.
Rritja e numrit të të infektuarve rishtazi ka filluar më 1 gusht, derisa kanë pasur një ose asnjë pacient të infektuar, tha Karin për agjencinë shtetërore të lajmeve të Kroacisë, HINA.
Ajo u bën apel qytetarëve që dyshojnë për Covid ose kanë disa nga simptomat që të bëjnë analiza dhe të mos shkojnë në vende publike, të mos kenë kontakt me persona të tjerë, si dhe nuk rekomandohet të vizitojnë spitalet ose shtëpitë e të moshuarve.
“Të martën kemi pasur 27 persona të testuar, 40 për qind kanë dalë pozitivë, të hënën kemi pasur 23 persona, pesha e pozitivëve ka qenë 34,7 për qind. Kjo do të thotë se numri i personave të testuar dhe përqindja e pozitivëve është në rritje”, theksoi ajo.
Përveç kësaj, jo të gjithë ata që kanë simptoma vijnë për testim, sepse ndoshta nuk kanë një pasqyrë klinike më të fortë. Kujdes, shifrat po rriten pak dhe nuk do të ketë ende një valë të madhe pacientësh të rinj, por duhet të jemi të kujdesshëm, tha Karin.
Nëse ka një valë rastesh të reja, duhet vaksinuar me një vaksinë adekuate për atë variant të Covid-it dhe rekomandimi më i rëndësishëm është vaksinimi i të moshuarve, me sëmundje të shumta kronike, që ndodhen në shtëpitë e të moshuarve dhe në institucione të tjera.
“Për fat të keq, reagimi ndaj vaksinimit nëpër shtëpi nuk ishte 100%, siç pritej. Vaksinimi duhet të jetë 100% për të mbrojtur njerëzit në shtëpi”, thekson Karin.
