Kovaçevski: Gjuha maqedonase qartë pranohet me propozimin francez

Pozicioni në të cilën gjendemi është shumë më i favorshëm për ne. Strategjia po jep rezultate. Propozimi i ka përfshirë vërejtjet tona dhe qëndrimet e qarta, deklaroi kryeministri i Maqedonisë së Veriut, Dimitar Kovaçevski, në konferencë e sotme për shtyp të Qeverisë lidhur me propozimin e ri francez për largimin e vetos nga Bullgaria, për fillimin e negociatave të Maqedonisë së Veriut me BE-në.
Sipas kryeministrit Kovaçevski, propozimi parasheh pranim të qartë dhe pahamendje të gjuhës maqedonase, si dhe protokolli me Bullgarinë të mos jetë pjesë e kornizës negociuese.
“Propozimin e shohim si bazë solide për ndërtimin e qëndrimit serioz, të përgjegjshëm dhe shtetëror për mundësinë e cila i hapet vendit tonë. Mendoj se janë fundosur të gjitha pretendimet e rreme të dhëna në forma të ndryshme. Si Qeveri, ne u jemi përmbajtur qëndrimeve shtetërore në raport me negociata me Bullgarinë në çdo aspekt”, tha Kovaçevski, pas takimit me partnerët e koalicionit, i cili theksoi se ka kaluar në një atmosferë konstruktive dhe shtetërore.
Vallë propozimi do të vendoset në referendum për t’u dëgjuar qëndrimi i qytetarëve, kryeministri Kovaçevski, u përgjigjë se procesi do të zhvillohet në kuadër të institucioneve. Ai i bëri thirrje opozitës të kenë raport shtetërore dhe përgjegjës.

Për liderit e opozitës në Maqedoninë e Veriut, Hristijan Mickoski, propozimi francez është i njëjti të cilin Qeveria e refuzoi ditë më parë. Sipas Mickoskit, propozimi i përmban të gjitha kërkesat e Bullgarisë në pjesën e gjuhës, historisë dhe identitetit. Ai bëri thirrje që nesër para Qeverisë të protestohet.
Zëvendëskryeminstri për Çështje Evropiane, Bojan Mariçiq, tha se korniza negociuese nuk do të ngarkohet me çështje historike të lidhura me kontestin me Bullgarinë.
Kryediplomati i Maqedonisë së Veriut, Bujar Osmani, theksoi se propozimi francez është pako që përmbanë komponentë bilaterale dhe evropiane. Sipas tij nëse Qeveria e miraton pakon, ai mundet menjëher ta organizon nënshkrimin e protokollit.
Njëherit nga sot fillojnë konsultimet me parnterët e koalicionit në Qeveri, presidentin, opozitën, sektorin civil dhe mediat. Qeveria dokumentin e propozimit të ri francez e ka vendosur në faqen e saj zyrtare.