Autoritetet e Maqedonisë së Veriut, të përforcuara me ekipe të kërkim-shpëtimit nga Kosova pas më shumë se 24 orë kërkimi në lumin Lepenc kanë gjetur veturën dhe tre trupat e pajetë të shtetasve kosovarë të cilët ranë dje pas një aksidenti komunikacioni në rrugën Shkup-Bllacë.
Lajmin për gjetjen e trupave të pajetë e kanë konfirmuar edhe nga Ministria e Punëve të Brendshme të Maqedonisë së Veriut, me çka theksuan se paraprakisht është arrestuar shoferi i automjetit "Folkswagen Touran", i cili dyshohet se e ka shkaktuar aksidentin.
Ndryshe, nga ky aksident i rëndë komunikacioni ka arritur të mbijetojë pasagjeri i katërt në veturën me targa të Kosovës.
TRT Balkan
