Türkiye qëndron në solidaritet me popullin palestinez, duke mbështetur kauzën e tij të drejtë, ka riafirmuar Drejtori i Komunikimeve të Türkiyes, Fahrettin Altun.
"Gjatë historisë, si një komb që ka mbrojtur drejtësinë dhe paqen në mbarë botën, ne jemi me popullin palestinez, pas tij dhe përkrahës të kauzave të tij të drejta", tha Altun të hënën në një ekspozitë letrash të shkruara nga të burgosurit e luftës dhe të besuara të Gjysmëhënës së Kuqe Turke.
Altun tha se qëllimi i ekspozitës, organizuar nga Drejtoria e Komunikimeve në Istanbul, është të rrisë ndërgjegjësimin për realitetet e rënda të luftës dhe robërisë, duke hedhur dritë mbi sakrificat e bëra nga të burgosurit për atdheun e tyre.
25.000 letrat e shkruara nga të burgosurit e Luftës së Parë Botërore zbulojnë shpresat, dëshirat dhe betejat e tyre gjatë errësirës së luftës dhe robërisë, duke nderuar kujtimin e tyre me respekt dhe nderim, shtoi ai.
“Një pemë jeton me rrënjët e saj, një njeri me paraardhësit e tij”, tha ai, duke theksuar se çdo shkronjë ishte një testament i lënë për të tashmen nga e kaluara.
Altun theksoi gjithashtu lidhjen e rrënjosur thellë midis përparimit të Türkiyes dhe përkushtimit të paraardhësve të saj, duke theksuar veçanërisht përparimet e saj në arsim, sport, kulturë dhe art.
Palestina është pjesë jona
Ai gjithashtu nënvizoi solidaritetin historik të Türkiyes me Palestinën, duke dënuar sulmin e Izraelit në Gaza dhe duke rikonfirmuar qëndrimin e Türkiyes për këtë çështje.
“Palestina është një pjesë e pandashme e historisë sonë, një komponent thelbësor. Gjatë historisë, si një komb që ka mbrojtur drejtësinë dhe paqen në mbarë botën, sot Palestina është pjesë jona. Prandaj, ne kundërshtojmë fuqishëm sulmet dhe gjenocidin e kryer nga Izraeli në mënyrë të paprecedentë në Gaza”.
Veprimtaria, e titulluar Trashëgimitë shekullore: Ekspozita e letrave të të burgosurve të Gjysmëhënës së Kuqe, në zyrën postare të Galataportit të Istabulit shfaq 25.000 letra të shkruara nga ushtarë dhe civilë të kapur gjatë Luftës së Parë Botërore.
Ekspozita përmban gjithashtu fotografi, karta dhe sende personale nga të burgosurit, duke përfshirë ata që luftuan në Palestinë, atëherë pjesë e Perandorisë Osmane, dhe do të qëndrojë e hapur për një muaj.
