Presidenti i Türkiyes Recep Tayyip Erdoğan gjatë një ceremonie detare të dorëzimit në provincën veriperëndimore Yalova u shpreh edhe për situatën në Gaza.
Sipas tij, ata që mbyllin sytë ndaj masakrave dhe mizorive të kryera nga Izraeli do të pësojnë keqardhje të madhe.
“Ata që kanë shkaktuar masakrën e rreth 25.000 njerëzve të pafajshëm në Gaza, shumica prej tyre gra dhe fëmijë, do të përballen me ‘pasojat djegëse’ të veprimeve të tyre”, tha Recep Tayyip Erdoğan.
Ai po ashtu shtoi se vendet perëndimore dhe institucionet ndërkombëtare të sigurisë, të cilat patën testin e tyre të fundit të keq për çështjen e Gazës, nuk kanë më asnjë besueshmëri.
“Ata që gjykojnë të drejtat dhe liritë e njeriut kanë mbyllur një sy ndaj fëmijëve, foshnjave dhe grave të vrarë brutalisht gjatë 105 ditëve të fundit, që nga fillimi i sulmeve të Izraelit më 7 tetor”, tha Erdoğan, duke shtuar se ata janë të kënaqur thjesht duke parë barbaritë, që përshkallëzohen në gjenocid, të kryera nga Führer (Kryeministri izraelit Benjamin) Netanyahu, ekipi i tij gjakatar kundër palestinezëve.
Siç thotë më tutje Erdoğan, ashtu si në Irak, Bosnjë, Siri, Jemen, Myanmar, Somali dhe Afganistan, institucionet përgjegjëse për sigurimin e sigurisë globale kanë dështuar dhe kanë pësuar një humbje serioze të reputacionit.
Izraeli ka goditur Rripin e Gazës që nga një sulm ndërkufitar nga Hamasi më 7 tetor, për të cilin Tel Aviv thotë se vrau afro 1.200 njerëz.
Sipas OKB-së, rreth 85% e banorëve të Gazës janë zhvendosur nga sulmi izraelit, ndërsa të gjithë kanë pasiguri ushqimore. Qindra mijëra njerëz po jetojnë pa strehë dhe kamionët e ndihmave që hyjnë në territor janë më pak se gjysma e numrit para fillimit të konfliktit.
Për luftën e Türkiyes kundër terrorizmit, Erdoğan tha: "Ne do të vazhdojmë luftën tonë të vendosur kundër terrorizmit derisa këneta e terrorizmit në Siri dhe Irak të thahet plotësisht".
