Ministri i Jashtëm i Türkiyes, Hakan Fidan, tha sot se vendi i tij mund të jetë pjesë e mekanizmit garantues që ka propozuar Ankaraja, nëse arrihet marrëveshje për zgjidhje me dy shtete.
Fidan paralajmëroi se pa zbatimin e menjëhershëm të zgjidhjes me dy shtete, një luftë e katërt në Gaza është e pashmangshme. “Ne do të përfshihemi vazhdimisht në konflikte”, tha ai.
Kryeministri izraelit Benjamin Netanyahu ka një tjetër agjendë, tha Fidan, duke shtuar: “Armëpushimi në Palestinë nuk përputhet” me objektivat e tij politike.
Në lidhje me luftën e Türkiyes kundër grupeve terroriste PKK/YPG, Fidan tha se PKK-ja po përhapet në gjithë Irakun si “një qelizë kanceri”.
“Ky pushoi së qeni problemi ynë, por tani është bërë një çështje sigurie për Irakun”, shtoi më tej ai.
“Ne duhet të luftojmë kundër PKK/YPG-së dhe t’i kthejmë popullit sirian burimet e naftës dhe energjisë që ajo kontrollon”, tha ministri i jashtëm.
